କେନ୍ଦୁଝର/ଯୋଡା,୨୭/୦୨(ପାଇକପୁଅ): ଯୋଡା ପୌରପାଳିକା ଅନ୍ତର୍ଗତ ୱାର୍ଡ ନମ୍ବର–୬ରେ କଳିଙ୍ଗ ସମର୍ପଣ ଫାଉଂଡେସନ ପକ୍ଷରୁ ଏକ ନିଃଶୁଳ୍କ ସ୍ୱାସ୍ଥ୍ୟ ଶିବିର ସଫଳତାର ସହ ଆୟୋଜନ କରାଯାଇଥିଲା। ଏହି ଶିବିରରେ ସ୍ଥାନୀୟ ଲୋକମାନଙ୍କୁ ନିଶୁଳ୍କ ସ୍ୱାସ୍ଥ୍ୟ ପରୀକ୍ଷା, ଡାକ୍ତରୀ ପରାମର୍ଶ ଓ ଔଷଧ ବଣ୍ଟନ କରାଯାଇଥିଲା।କାର୍ୟକ୍ରମରେ ମୁଖ୍ୟ ଅତିଥି ଭାବେ ଯୋଡାର ଅତିରିକ୍ତ ଭାରପ୍ରାପ୍ତ ଥାନା ଅଧିକାରୀ ସୁଶାନ୍ତ ପ୍ରଧାନ ଯୋଗଦେଇଥିଲେ। ସେ ଫାଉଣ୍ଡେସନଙ୍କ ଏହି ସେବାମୂଳକ ପଦକ୍ଷେପକୁ ସ୍ୱାଗତ କରି କହିଥିଲେ ଯେ, ସମାଜର ଅବହେଳିତ ଓ ଆର୍ଥିକ ଦୃଷ୍ଟିରୁ ଦୁର୍ବଳ ବର୍ଗଙ୍କ ପାଇଁ ଏପରି ସ୍ୱାସ୍ଥ୍ୟ ଶିବିର ଅତ୍ୟନ୍ତ ଆବଶ୍ୟକ।
ଏହା ସହିତ ଏସ ଆଇ ଅଜୟ ପ୍ରତାପ ମୁଣ୍ଡୁ, ବିଜେପି ର ଜିଲ୍ଲା ଇକୋନୋମିକ୍ ସେଲ୍ କୋ-ଅର୍ଡିନେଟର ରଶ୍ମି ରଞ୍ଜନ ମହାକୁଡ଼, ୬ ନମ୍ବର ୱାର୍ଡ କାଉନ୍ସିଲର ଗଣେଶ ମୋଦି, ଯୋଡା ସାଂସଦ ପ୍ରତିନିଧି ବିଚିତ୍ରାନନ୍ଦ ଦାସ, ସମାଜସେବୀ ରଜନୀ ରାଓ ଓ ଯୁବନେତା ତାରିଣୀ ପ୍ରଧାନ ଉପସ୍ଥିତ ଥିଲେ ଓ କାର୍ୟକ୍ରମକୁ ସମ୍ପୂର୍ଣ ସହଯୋଗ କରିଥିଲେ।ଶିବିରକୁ ସଫଳ କରିବାରେ ଡାକ୍ତର ଇପ୍ସିତା ମହାନ୍ତ, ଫାର୍ମାସିଷ୍ଟ ସୁଭାଶ୍ରୀ ଆଚାର୍ୟ, ଲ୍ୟାବ୍ ଟେକ୍ନିସିଆନ୍ ଯଶୋମତୀ ମହାନ୍ତ, ଏଏନଏମ୍ ନମିତା ମହାନ୍ତ ଓ ମୋବିଲାଇଜର ଚମ୍ପାବତୀ ବାଘୁଆ ମୁଖ୍ୟ ଭୂମିକା ନିଭାଇଥିଲେ।ଆନନ୍ଦ ବାରିକ, ଫାଉଣ୍ଡେସନର ଡାଇରେକ୍ଟର, ସମଗ୍ର କାର୍ୟକ୍ରମକୁ ସମନ୍ୱୟ କରିଥିଲେ ଓ ପ୍ରତ୍ୟେକ ୱାର୍ଡରେ ଏଭଳି ସେବାମୂଳକ ପଦକ୍ଷେପ ଆଗାମୀ ଦିନରେ ମଧ୍ୟ ଜାରି ରଖାଯିବ ବୋଲି ଘୋଷଣା କରିଥିଲେ।ଶିବିରରେ ଶତାଧିକ ଲୋକ ଯୋଗଦେଇ ସ୍ୱାସ୍ଥ୍ୟ ସେବାର ଲାଭ ଉଠାଇଥିବା ବେଳେ ସ୍ଥାନୀୟ ଅଞ୍ଚଳରେ ଏହି ପଦକ୍ଷେପକୁ ବ୍ୟାପକ ସ୍ୱାଗତ ମିଳିଛି।
About the Author
