କୋଇଡା,୧୮/୦୯(ପାଇକପୁଅ)କୋଇଡା ଖଣି ଅଂଚଳ ଅନ୍ତର୍ଗତ ଓରାଘାଟ ଲୌହ ଖଣି ମେସର୍ସ ରୁଙ୍ଗଟା ସନ୍ସସ ପ୍ରାଇଭେଟେ ଲିମିଟେଡ଼ ତରଫରୁ ଏବଂ ଆଇ. ବି. ଏମ (ଭାରତ ସରକାର ) ଙ୍କ ନିର୍ଦେଶ କ୍ରମେ ଏହି କାର୍ଯ୍ୟକ୍ରମ ଆଜି ତା ୧୭. ୦୯. ୨୦୨୬ ରିଖ ଠାରୁ ଆରମ୍ଭ ହୋଇଯାଇଛି। ଏହା ଆସନ୍ତା ମାସ ୧୭. ୧୦. ୨୬ ରିଖ ପର୍ଯ୍ୟନ୍ତ ଏକ ମାସ ଧରି ଚାଲିବ। ଖଣି ପରିଚାଳକ ଶ୍ରୀଯୁକ୍ତ ସୁଭାଷ ଚନ୍ଦ୍ର ପ୍ରଧାନଙ୍କ ପ୍ରତ୍ୟକ୍ଷ ତତ୍ୱାବଧାନରେ ଏହି କାର୍ଯ୍ୟକ୍ରମ ଆରମ୍ଭ କରାଯଇଛି। ଏହି କାର୍ଯ୍ୟକ୍ରମରେ ପ୍ରଥମେ ସମସ୍ତ କର୍ମଚାରୀ ମାନଙ୍କୁ ଖଣି ପରିଚାଳକ ଶପଥ ପାଠ କରିବା ସହିତ ସ୍ୱଛତା ହିଁ ସେବା ସମ୍ବନ୍ଧରେ ସମସ୍ତଙ୍କୁ ସଚେତନ କରାଇଥିଲେ ଓ ଦୈନନ୍ଦିନ ଜୀବନରେ ନିଜ ଘରଠାରୁ ଆରମ୍ଭ କରି ନିଜ ପରିବେଶକୁ କିପରି ସ୍ଵଛ ରଖିପାରିବା ସେଥିପାଇଁ ସଚେତନ କରିଥିଲେ।ଏହି ପରିପେକ୍ଷୀରେ ନିକଟସ୍ଥ ବିଦ୍ୟାଳୟ ମାନଙ୍କରେ ସ୍ୱଛତା ସମ୍ବନ୍ଧିତ ପ୍ରବନ୍ଧ, ଚିତ୍ରାଙ୍କନ ଓ ଡିବେଟ ପ୍ରତିଯୋଗିତା କରାଯାଇ ଛାତ୍ର ଛାତ୍ରୀ ମାନଙ୍କ ମଧ୍ୟରେ ସଚେତନତା ସୃଷ୍ଟି କରାଯିବା ସହିତ ସେମାନଙ୍କୁ ପୁରସ୍କୃତ କରାଯିବାର କାର୍ଯ୍ୟକ୍ରମ ରହିଛି. ଖଣି ମଧ୍ୟରେ ବ୍ୟାପକ ବୃକ୍ଷ ରୋପଣ କରାଯିବା ସହିତ, ଖଣି ପରିସର, କାର୍ଯ୍ୟାଳୟ, କଲୋନୀ, ରାସ୍ତାଘାଟ, ଦୋକାନ ବଜାର ଓ ଗ୍ରାମ ଗୁଡିକରେ ସଫେଇ କାର୍ଯ୍ୟକ୍ରମକୁ ବ୍ୟାପକ କରାଯିବ।ଏହାସହିତ ସଫେଇ କର୍ମଚାରୀ ମାନଙ୍କର ସ୍ୱାସ୍ଥ୍ୟ ପରୀକ୍ଷା କରାଯାଇ ସେମାନଙ୍କୁ ସ୍ୱଛତା କିଟ ବଣ୍ଟନ କରାଯିବ,ତତସହିତ ଏକ ସ୍ଵେଛାକୃତ ରକ୍ତଦାନ ଶିବିର କାର୍ଯ୍ୟକ୍ରମ କରାଯିବ।ଏହା ସହିତ ପଥଯାତ୍ରା/ମାରାଥନ ମାଧ୍ୟମରେ ସ୍ୱଚ୍ଛତା ସମ୍ବଦ୍ଧରେ ଲୋକମାନଙ୍କୁ ସଚେତନ କରାଯିବାର କାର୍ଯ୍ୟକ୍ରମ ରହିଛି। ଏହି କାର୍ଯ୍ୟକ୍ରମରେ ଓରାଘାଟ ଖଣି ତରଫରୁ ଶ୍ରୀଯୁକ୍ତ ପ୍ରକାଶ କୁମାର, ରଞ୍ଜନ କୁମାର ପାଣି, ଡ. ଅଞ୍ଜନ କୁମାର ଲେଙ୍କା, ଆର. ଏସ. ମହାନ୍ତ, ବିଦ୍ୟାଧର ସାହୁ, ସତ୍ୟଜିତ ମହାପାତ୍ର, ବିଶ୍ୱରଂଜନ ବେହେରା, ବନମାଳୀ ମହାନ୍ତ, ଡ଼ି. ଏସ. ଦିନକର, ରାମେଶ୍ୱର ପାଇକରାୟ,ବିଶ୍ୱଜିତ ଚକ୍ରବର୍ତ୍ତ୍ଠୀ ଓ ସୁରକ୍ଷା କର୍ମଚାରୀ ପ୍ରମୁଖ ଅଂଶଗ୍ରହଣ କରିଥିଲେ।
About the Author
