ମାଲକାନଗିରି,୨୬/୧୧ (ସୁଧାଂଶୁ ଶେଖର ମହାନ୍ତି)ମାଲକାନଗିରି ଛତିଶଗଡ ସିମାନ୍ତ ବିଜାପୁର ଜିଲ୍ଲାରେ ୪୧ ଜଣ ମାଓବାଦୀ ଆତ୍ମସମର୍ପଣ କରିଛନ୍ତି । ଏମାନଙ୍କ ମଧ୍ୟରେ ଦକ୍ଷିଣ ବସ୍ତର ସବ୍ ଜୋନାଲ କମିଟିର ୩୯ ଜଣ ମାଓବାଦୀ ରହିଛନ୍ତି । ଏହା ସହ ତେଲେଙ୍ଗାନା ରାଜ୍ୟ କମିଟି ଏବଂ ଧମତାରି ଗାରିଆବନ୍ଦ ନୂଆପଡ଼ା ଡିଭିଜନର ମଧ୍ୟ ମାଓବାଦୀ ମାନେ ରହିଛନ୍ତି । ଏମାନଙ୍କ ମୁଣ୍ଡ ଉପରେ ପୁର୍ବରୁ ଛତିଶଗଡ ସରକାର ଏକ କୋଟି ୧୯ ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ । “ପୁଣା ମାର୍ଗେମ୍: ପୁନର୍ବାସ ନିତି ମାଧ୍ୟମରେ ପୁନର୍ଜୀବନ” ପରିବର୍ତ୍ତନର ଏକ ନୂତନ ଆରମ୍ଭ ହୋଇଛି ଛତିଶଗଡରେ । ଛତିଶଗଡ ସରକାରଙ୍କ ନକ୍ସଲ ନିପାତ ନୀତି ଏବଂ ଶାନ୍ତି ଆଲୋଚନା ଓ ବିକାଶ ଉପରେ ଆଧାରିତ ନିରନ୍ତର ପ୍ରୟାସର ଫଳ ସ୍ୱରୂପ ଆଜି ୪୧ ଜଣ ମାଓବାଦୀ ହିଂସାର ରାସ୍ତା ଛାଡି ସମାଜର ମୁଖ୍ୟ ସ୍ରୋତକୁ ଫେରିବାକୁ ନିଷ୍ପତ୍ତି ନେଇଛନ୍ତି । ଏଥିରେ ୧୨ ଜଣ ମହିଳା କ୍ୟାଡର ଏବଂ ୨୯ ଜଣ ପୁରୁଷ କ୍ୟାଡରଙ୍କୁ ୧୦ ଲକ୍ଷ ଟଙ୍କା ପ୍ରଦାନ କରାଯାଇଛି । ଏହି ୪୧ ଜଣ କ୍ୟାଡରଙ୍କ ମଧ୍ୟରେ ପିଏଲଯିଏ ବାଟାଲିୟନ ନମ୍ବର ୦୧ ଏବଂ ବିଭିନ୍ନ କମ୍ପାନୀର ୦୫ ଜଣ ସଦସ୍ୟ, ଏସିଏମ-୦୩, ପ୍ଲାଟୁନ ଏବଂ କ୍ଷେତ୍ର କମିଟି ପାର୍ଟି ସଦସ୍ୟ – ୧୧, ପିଏଲଯିଏ ସଦସ୍ୟ – ୦୨, ମିଲିସିଆ ପ୍ଲାଟୁନ କମାଣ୍ଡର – ୦୪, ମିଲିସିଆ ପ୍ଲାଟୁନ ଡେପୁଟି କମାଣ୍ଡର – ୦୧, ମିଲିସିଆ ପ୍ଲାଟୁନ ସଦସ୍ୟ – ୦୬, ଜନତାନା ସରକାର ବିଭିନ୍ନ ଆରପିସିର ସଭାପତି/ ଉପରାଷ୍ଟ୍ରପତି/ ସଦସ୍ୟ, ଡିକେଏମଏସ, କେଏଏମଏସ ସଭାପତି/ସଦସ୍ୟ – ୦୯ ଜଣ ସଦସ୍ୟ, ଯେଉଁମାନେ ହିଂସାର ପଥ ଛାଡି ସମାଜର ମୁଖ୍ୟ ସ୍ରୋତରେ ସାମିଲ ହେବାକୁ ନିଷ୍ପତ୍ତି ନେଇଛନ୍ତି। ମୁଖ୍ୟ ସ୍ରୋତକୁ ଫେରିଥିବା ମାଓବାଦୀ କ୍ୟାଡରମାନେ ଭାରତୀୟ ସମ୍ବିଧାନରେ ବିଶ୍ୱାସ ପ୍ରକାଶ କରିଛନ୍ତି ଏବଂ ଏକ ଗଣତାନ୍ତ୍ରିକ ବ୍ୟବସ୍ଥାରେ ଏକ ସମ୍ମାନଜନକ ଏବଂ ସୁରକ୍ଷିତ ଜୀବନଯାପନ କରିବାକୁ ସଂକଳ୍ପ ନେଇଛନ୍ତି। ପୁନର୍ବାସ ପ୍ରକ୍ରିୟାର ଏକ ଅଂଶ ଭାବରେ ପ୍ରତ୍ୟେକ କ୍ୟାଡରକୁ ପ୍ରୋତ୍ସାହନ ସ୍ୱରୂପ ୫୦ ହଜାର ଟଙ୍କାର ଆର୍ଥିକ ସହାୟତା ପ୍ରଦାନ କରାଯାଇଛି । ଅନ୍ୟ ମାଓବାଦୀଙ୍କୁ ମଧ୍ୟ ଆତ୍ମସମର୍ପଣ କରିବା ଲାଗି ଆହ୍ବାନ ଦେଇଛନ୍ତି ବିଜାପୁର ଏସପି ଜିତେନ୍ଦ୍ର ଯାଦବ ।
About the Author
