ମାଲକାନଗିରି,୧୬/୦୮ (ସୁଧାଂଶୁ ଶେଖର ମହାନ୍ତି)ମାଲକାନଗିରି ଜିଲ୍ଲା ଉତ୍କଳ ସାମ୍ବାଦିକ ସଙ୍ଘ କାର୍ଯ୍ୟାଳୟ ରେ ଶୁକ୍ରବାର ୭୯ତମ ସ୍ୱାଧୀନତା ଦିବସ ଆଡମ୍ବର ସହକାରେ ପାଳନ ହୋଇଯାଇଛି। ଏହି କାର୍ଯ୍ୟକ୍ରମ ରେ ମାଲକାନଗିରି ବିଧାୟକ ନରସିଂହ ମାଡକାମୀ ମୁଖ୍ୟ ଅତିଥି ଭାବେ ଉପସ୍ଥିତ ରହି ଜାତୀୟ ପତାକା ଉତ୍ତୋଳନ କରିଥିଲେ। ଏହି କାର୍ଯ୍ୟକ୍ରମ ରେ ଅନ୍ୟତମ ଅତିଥି ଭାବେ ବିଧାୟକ ଙ୍କ ପ୍ରତିନିଧି ନିହାର ରାୟ, ଜିଲ୍ଲା ଯୁବ ବିଜେପି ସଭାପତି ରତନ ବଣିକ ଉପସ୍ଥିତ ଥିଲେ। କାର୍ଯ୍ୟକ୍ରମ ରେ ଜିଲ୍ଲା ଉତ୍କଳ ସାମ୍ବାଦିକ ସଙ୍ଘର ସଭାପତି ଅଶୋକ ମିଶ୍ର କାର୍ଯ୍ୟକ୍ରମ କୁ ପରିଚାଳନା କରିଥିଲେ। ଏହି ଅବସରରେ ବିଧାୟକ ଶ୍ରୀ ମାଡକାମୀ ପ୍ରକାଶ କରିଥିଲେ ଯେ, ଆଜି ଆମେ ସ୍ୱାଧୀନ ଭାରତ ର ନାଗରିକ ଭାବେ ବେଶ ଗର୍ବିତ। ଦେଶ ବର୍ତ୍ତମାନ ବିକାଶ ଧାରାରେ କ୍ଷୀପ୍ର ଗତିରେ ଆଗକୁ ବଢିଛି। ଯୁବପିଢ଼ି ଓ ଛାତ୍ରଛାତ୍ରୀ ଙ୍କ ପାଇଁ ଅନେକ ପଦକ୍ଷେପ ସରକାର ନେଉଛନ୍ତି। ଆଗାମୀ ଦିନରେ ଦେଶ ସହ ଆମ ରାଜ୍ୟ ଓ ଜିଲ୍ଲା ମଧ୍ୟ ବିକାଶର ଶିଖର ଛୁଇଁବ। ଦେଶ ବିକାଶ ସହ ଲୋକଙ୍କ ସମସ୍ୟା ଲୋକ ଲୋଚନକୁ ଆଣି ଦେଶ ଓ ରାଜ୍ୟ ବିକାଶର ସାରଥୀ ସାଜିଛନ୍ତି। ତେଣୁ ସାମ୍ବାଦିକ ମାନଙ୍କ ଭୂମିକା ମଧ୍ୟ ବେଶ ଗୁରୁତ୍ୱପୂର୍ଣ୍ଣ ଅଟେ। ଏହି ଅବସରରେ ଜିଲ୍ଲା ଉତ୍କଳ ସାମ୍ବାଦିକ ସଙ୍ଘର ସମ୍ପାଦକ ଶ୍ରୀନିବାସ ପାତ୍ର, କୋଷାଧ୍ୟକ୍ଷ ହୃଷିକେଶ ସେଠୀ, ରାଜ୍ୟ କାର୍ଯ୍ୟ କରିଣୀ ସଦସ୍ୟ ନୃସିଂହ ଚରଣ ମହାନ୍ତି, ବରିଷ୍ଠ ଉପଦେଷ୍ଟା ରତ୍ନାକର ଦାସ, ମନୋଜ ସାହା, ରାହୁଲ ଗୋଲରି, ଦିଲୀପ ପଟ୍ଟନାୟକ, ମାଣିକ ବାଛଡ, ପଙ୍କଜ ଖରା, ନିର୍ମଳା ଏକା, ବିଟୁ ରାଓ, ଶରତ ଖରା, କିରଣ କୁମାର, ମୃଣାଲ ମଣ୍ଡଳ, ବିକ୍ରମ ସ୍ୱାଇଁ, ବାଦଲ ବିଶ୍ୱାଳ, ଅସୀମ ବିଶ୍ୱାସ, କିଶୋର ପାତିକା ପ୍ରମୁଖଙ୍କ ସହ ବିଭିନ୍ନ ବିଦ୍ୟାଳୟ ର ଛାତ୍ରଛାତ୍ରୀ ଓ ବୁଦ୍ଧିଜୀବୀ ମାନେ ଉପସ୍ଥିତ ଥିଲେ।
About the Author
