ଭୁବନେଶ୍ୱର, ୧୬/୦୮(ପାଇକପୁଅ)ଶିକ୍ଷା ଓ ଅନୁସନ୍ଧାନ (ସୋଆ) ବିଶ୍ଵବିଦ୍ୟାଳୟରେ ଉତ୍ସାହର ସହ ୭୯ତମ ସାଧୀନତା ଦିବସ ପାଳିତ
ହୋଇଯାଇଛି । ଏହି ଅବସରରେ ବିଶ୍ବବିଦ୍ୟାଳୟର କୁଳପତି ପ୍ରଫେସର ପ୍ରଦୀପ୍ତ କୁମାର ନନ୍ଦ ଜାତୀୟ ପତାକା ଉତୋଳନ କରିଥିଲେ ।ଏହି ଅବସରରେ ଛାତ୍ରଛାତ୍ରୀମାନଙ୍କ ଦ୍ବାରା ଏକ ଉତ୍ସବମୂଳର୍କ ମାର୍ଚ୍ଚ ପାଷ୍ଟ ଏବଂ ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ପ୍ରଦର୍ଶନ
କରାଯାଇଥିଲା ।
ସୋଆ କୁଳପତି ପ୍ରଦୀପ୍ତ କୁମାର ନନ୍ଦ ଜାତୀୟ ପତାକା ଉତୋଳନ କରିବା ଅବସରରେ ଛାତ୍ରଛାତ୍ରୀମାନଙ୍କୁ ରାଷ୍ଟ୍ର ନିର୍ମାଣ ପ୍ରକ୍ରିୟାରେ
ଯୋଗଦାନ ଦେବାକୁ ଆହ୍ଵାନ କରିଥିଲେ ।
“ଭାରତ କୃଷି, ଶିକ୍ଷା, ସ୍ୱାସ୍ଥ୍ୟସେବା, ଶିଳ୍ପ ଏବଂ ଏପରିକି ମହାକାଶ ବିଜ୍ଞାନ ସମେତ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ
କରିଛି । ମହାକାଶଚାରୀ ଶୁଭ୍ରାଂଶୁ ଶୁକ୍ଳାଙ୍କୁ ଆର୍ନ୍ତଜାତୀୟ ମହାକାଶ କେନ୍ଦ୍ରକୁ ପଠାଇ ଦେଶ ମହାକାଶ ବିଜ୍ଞାନ କ୍ଷେତ୍ରରେ ଏହାର ପ୍ରଗତି ପ୍ରଦର୍ଶନ କରିଛି,” ବୋଲି ସେ କହିଛନ୍ତି ।
ବର୍ତମାନ ଚତୁର୍ଥ ବୃହତ ଅର୍ଥନୀତି, ଭାରତ ଅଭିବୃଦ୍ଧି ପାଇଁ ସକ୍ଷମ ଏବଂ ଆତ୍ମନିର୍ଭରଶୀଳତା ଉପରେ ଏହାର ଗୁରୁତ୍ବ ଷ୍ଟାର୍ଟ -ଅପ୍ ଗୁଡିକୁ
ପ୍ରୋତ୍ସାହିତ କରିଛି ବୋଲି ସେ କହିଛନ୍ତି ।
କୁଳପତି କହିଛନ୍ତି ଯେ ସୋଆ ଗବେଷଣା ଉପରେ ଗୁରୁତ୍ବ ଦେଉଥିବା ବେଳେ ଏକ ବହୁବିଧ ବିଶ୍ଵବିଦ୍ୟାଳୟ ଭାବରେ ବୃଦ୍ଧି ପାଉଛି ଏବଂ
ଜାତୀୟ ସ୍ତରରେ ପ୍ରତିଷ୍ଠା ଲାଭ କରିଛି ।
ପ୍ରଫେସର ନନ୍ଦ କହିଛନ୍ତି ଯେ ଜଳବାୟୁ ପରିବର୍ତନ ମାନବଜାତି ପାଇଁ ଏକ ଗମ୍ଭୀର ବିପଦ ପାଲଟିଛି । ଯାହାର ମୁକାବିଲା ପାଇଁ ତୁରନ୍ତ
ପଦକ୍ଷେପ ନେବା ଆବଶ୍ୟକ । ଏହି ଘଟଣା ମୁକାବିଲା ସହ ଏ କ୍ଷେତ୍ରରେ ଗବେଷଣାକୁ ବୃଦ୍ଧି କରିବା ପାଇଁ ସୋଆ ପରିବେଶ ଜଳବାୟୁ ଏବଂ କେନ୍ଦ୍ର ଏବଂ ଜଳବାୟୁ ସ୍ମାର୍ଟ କୃଷି କେନ୍ଦ୍ର ସ୍ଥାପନ କରିଛି ବୋଲି ସେ କହିଛନ୍ତି ।
ସୋଆ ଛାତ୍ରମଙ୍ଗଳ ଡିନ୍ ପ୍ରଫେସର ଜ୍ୟୋତି ରଂଜନ ଦାସ, କ୍ରୀଡା ଅଧିକାରୀ ସୁଶ୍ରୀ ସୁନିତା ବର୍ମା ଏବଂ ଅନ୍ୟାନ୍ୟ ଅଧିକାରୀମାନେ
କାର୍ଯ୍ୟକ୍ରମ ପରିଚାଳନା କରିଥିଲେ ।
ଏନ୍ସିସି ର କ୍ୟାଡେଟ୍ ଏବଂ ବିଭିନ୍ନ ପ୍ରତିଷ୍ଠାନର ଛାତ୍ରମାନେ ପରେଡରେ ଅଂଶ ଗ୍ରହଣ କରିଥିଲେ ।
ସ୍ଵାଧୀନତା ଦିବସ ପାଳନ ଅବସରରେ ସୋଆର ପ୍ରୋ ଭାଇସ୍ ଚାନ୍ସଲେର ପ୍ରଫେସର ଅନୁପ କୁମାର ସାମନ୍ତରାୟ, ଇନ୍ଷ୍ଟିଚ୍ୟୁଟ୍ ଅଫ୍
ମେଡିକାଲ ସାଇନ୍ସେସ୍ ଆଣ୍ଡ ସମ୍ ହସ୍ପିଟାଲ୍ର ଡିନ୍ ପ୍ରଫେସର (ଡାକ୍ତର) ସଂଘମିତ୍ରା ମିଶ୍ର, ଇନ୍ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍ଚରାଲ୍ ସାଇନ୍ସେସ୍ର ଡିନ୍ ପ୍ରଫେସର ସନ୍ତୋଷ କୁମାର ରାଉତ, ଇନ୍ଷ୍ଟିଚ୍ୟୁଟ୍ ଅଫ୍ ବିଜିନେସ୍ ଆଣ୍ଡ କମ୍ପ୍ୟୁଟର ଷ୍ଟଡିଜ୍ର ଡିନ୍ ପ୍ରଫେସର ଅୟଶ କାନ୍ତା ମହାନ୍ତି, ସ୍କୁଲ ଅଫ୍ ହୋଟେଲ ମ୍ୟାନେଜମଂଟର ଡିନ୍ ପ୍ରଫେସର ସୁଶାନ୍ତ ରଞ୍ଜନ ଚଇନି, ସ୍କୁଲ ଅଫ୍ ଫାର୍ମାସ୍ୟୁଟିକାଲ ସାଇନସେସ୍ ର ଡିନ୍ ପ୍ରଫେସର ଦେବଜ୍ୟୋତି ଦାସ, ଇନ୍ଷ୍ଟିଚ୍ୟୁଟ୍ ଅଫ୍ ଡେଟାଲ୍ ସାଇନ୍ସେସ୍ର ଡିନ୍ ପ୍ରଫେସର (ଡାକ୍ତର) ରୁଚି ଭୂୟାଁ ଏବଂ ସମ୍ ନସିଂ କଲେଜର ଡିନ୍ ପ୍ରଫେସର ସସ୍ମିତା ଦାସ ଉପସ୍ଥିତ ଥିଲେ ।
ପୂର୍ବରୁ ପ୍ରୋ ଭାଇସ୍ ଚାନସ୍ର ପ୍ରଫେସର ସାମନ୍ତରାୟ ଏବଂ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତରେ କୁଳପତି ପ୍ରଫେସର
ନନ୍ଦ ବିଶ୍ଵବିଦ୍ୟାଳୟ କାର୍ଯ୍ୟାଳୟରେ ଜାତୀୟ ପତାକା ମଧ୍ଯ ଉତୋଳନ କରିଥିଲେ ।
ମାର୍ଚ୍ଚ ପାଷ୍ଟ ରେ ଇନ୍ଷ୍ଟିଚ୍ୟୁଟ୍ ଅଫ୍ ହାୟର ସେକେଣ୍ଡାରୀ ଏଜୁକେସନ ( ପ୍ଲସ୍ ଟୁ କଲେଜ) ର ବାଳକ ଏବଂ ବାଳିକା ଦଳ ପ୍ରଥମ ଏବଂ
ଦ୍ଵିତୀୟ ସ୍ଥାନ ଅଧିକାର କରିଥିଲେ ଯେତେବେଳେ ଇନ୍ଷ୍ଟିଚ୍ୟୁଟ୍ ଅଫ୍ ଏଗ୍ରିକଲ୍ଚରାଲ ସାଇନସେସ୍ ର ତୃତୀୟ ସ୍ଥାନ ଅଧିକାର କରିଥିଲେ ।
ମାର୍ଚ୍ଚ ପାଷ୍ଟ ରେ ବିଚାରକ ଭାବରେ ସୁବେଦାର ମେଜର ଏଲ.ଡି.ତରାଇ ଏବଂ ସୁବେଦାର ମେଜର କେ.ସି. ଜେନା ବିଜେତାମାନଙ୍କୁ
ଚୟନ କରିଥିଲେ ।
About the Author
